|
ކަލާނގެ
އަވަހާރަފުޅު ލައްޕަވާފައިހެއްޔެވެ؟
ތަރުޖަމާ: ނަބީލް
ރިވާވެގެން ވެއެވެ. ރަށްފުށު ހިސާބުގައި ދިރިއުޅޭ އަންހެނަކާ
އަޅައިގަނެގެން އުޅުނު މީހަކު އެއަންހެނާ ސަހަރާތެރެއަށް ނުކުތް
ރެއެއްގައި ފަހަތުން ދިޔައެވެ. ތަންކޮޅެއް ދުރަށް ދެވި ދެމީހުން
އެކަނިވީހިނދު އޭނާގެ ބޭނުން އެކަމަނާއަށް އިހްސާސްވެގެން ފިރިހެން
މީހާއާ ދިމާއަށް އެނބުރިލާފައި ބުނެފިއެވެ. ތިބާ ރަނގަޅަށް ބަލާށެވެ.
މީސްތަކުން ހަމަ ރަނގަޅަށް ނިދައިފިހެއްޔެވެ؟
އެހިނދު ފިރިހެން މީހާ އެކަމަނާ އޭނާގެ އެދުމަށް ޖަވާބުދޭން އުޅެނީ
ކަމަށް ހީކޮށް ނިކަން އުފަލުން އަވަސް އަވަހަށް ކޮޅުކޮޅަށް
ދުވެލާފައި ވަށައިގެން ހޯދާ ބަލާލިއެވެ. މީހެއްގެ ހިލަމެއް ނުވުމާއި
އެކު އުފަލުން އައިސް އެކަމާނާއަށް ޚަބަރު ކުރިއެވެ.
އެހިނދު
އެކަމަނާ ބުންޏެވެ. މާތް ﷲ އާއި މެދުގައި ބުނަނީ ކީކޭހެއްޔެވެ؟
އެކަލާނގެ ވެސް މިގަޑީގައި ވަނީ އަވަހާރަފުޅުލައްޕަވާފައިހެއްޔެވެ؟
ފިރިހެން މީހާ ޖަވާބުގައި ބުންޏެވެ. ﷲ އީ އަވަހާރަފުޅުލައްޕަވާ
ކަލަކު ކަމުގައި ނުވެއެވެ. ދެން އަންހެން މީހާ ބުންޏެވެ.
އަވަހާރަފުޅު ނުލައްޕަވާ ފަރާތް ހަމަ ޔަޤީނުން އަހަރެމެން ދެކެ
ދެނެވޮޑިގެން ވެއެވެ. މީސްތަކުންނަށް އަހަރެމެން ނުފެނުނު ކަމުގައި
ވިޔަސްވެހެވެ. އެކަމަށްޓަކައި އެކަލާނގެއަށް ބިރުވެތިވުން މާ
އައުލާކަން ބޮޑެވެ. ދެން ފިރިހެން މީހާގެ ހިތަށް ތަޤްވާވެރިކަން
އައިސް ކަލާނގެ ޙަޟްރަަތަށް ރުޖޫޢަވީއެވެ.
-ނިމުނީ- |
